بسم رب الحسین (ع)
سلام بر ربیع و روزهای زیبایش .
سلام بر برکتش .
سلام بر موالیدش .
سلام بر لحظه های نابش .
و سلام و سلام و سلام بر حجت آخرین
عالمیان
با آرزوی قبولی عرض ارادتهای خالصانه دو ماه محرم و صفر در خیمه های حسینی سراسر عالم ، حلول ماه پر فیض ربیع الاول را بر همه شیعیان تبریک عرض مینماییم
انشا الله سعادت زیارت سحرگاه محرم سال بعد نیز قسمت همه ما گردد
التماس دعا
بسم الله الرحمن الرحیم
جعفر شیرزاد
روشنی چش منه ده حرم تو موری
روله‌ی معصوم منه جلو چشم موری
نشکفته گل پرپره مه گرته خواوش
آخر ده خین سرخ خوش کردیتو سیر آوش
جرم ایه بی گناه
چیه وه کربلا
الوداع الوداع کر ناز علی
آخر عمرمه بیقرارم چنی
میونم ده کمر ذوالفقار علی
میزنم ده صف دشمنون علی
جرم ایه بی گناه
چیه وه کربلا
غرق خین خدا
اصغر با وفا
روله نازار طفل شیر خوار
بی کس و کار علی اصغر
لو ده عطش وا نمیکه او علی اصغر
ده نفس افتایه چنی سر دس پدر
سی چی وه ریم نمیخنی
ایه شبه پیمبر
الوداع الوداع کر ناز علی
آخر عمرمه بیقرارم چنی
میونم ده کمر ذوالفقار علی
میزنم ده صف دشمنون علی
جرم ایه بی گناه
چیه و ه کربلا
غرق خین خدا
اصغر با وفا
روله نازار طفل شیر خوار
بی کس و کار علی اصغر
ها موریدو نه میزنه ده دلم واهمه
تازه بیه داغ دل حضرت فاطمه
ایه ناله جانسوز تونه دی میکه سخونم
او لو عطشونت روله تش ونه ده جونم
بسم الله الرحمن الرحیم
(نادر سوری)
نیزه بارو علی نیزه باروعلی
نیزه بارو کردنه اکبرته نیزه بارو کردنه اصغر
ایه زمین کربلا لیلا زه غم محزون بیه
حنجر اصغر زه تیر حرمله پر خوین بیه
ایه زمین کربلا بی اقربا منه حسی
گوش کو وه ناله و افغان و شور و شین
ایه زمین کربلا ده عرش اعلا بهتری
ایه زمی تو قتلگاه زاده‌ی پیغمبری
نیزه بارو علی نیزه باروعلی
نیزه بارو کردنه اکبرته نیزه بارو کردنه اصغر
ایه زمین کربلا یه نوگلم
داغ سختی تو نیای ده مین دلم
ایه زمین کربلا لیلا زه غم محزون بیه
حنجر اصغر زه تیر حرمله پر خوین بیه
نیزه بارو علی نیزه باروعلی
نیزه بارو کردنه اکبرته نیزه بارو کردنه اصغر
بسم الله الرحمن الرحیم
(کربلائی جعفر شیرزاد)
مه قسم حردمه وه دو سر ذوالفقار
بکشم کافرو اگر بوم سر وه دار
دنیا بسوزیه وه حال زینب بی برار
اسیر دس دشمه ده مین ایه کار زار
بدتر ده داغ اصغر بدتر ده داغ اکبر
دی سیش نه منه قرار ده مین ایه شوره زار
بسم الله الرحمن الرحیم
( کربلائی رضا موسیوند)
عباس عباس خلطاو وه خینه
دو دسیاش وه ری زمی کافر نئینه
صف شکن عباس میر لشگرم
تو یل حیدر شیر داورم
یه برارم یه علمدار سپاهمه
یه امیر و یه جلودار سپاهمه
امید حیدر عباس نقش زمینه
دل رقیه سی عامو زار و هزینه
عباس عباس خلطاو وه خینه
دو دسیاش وه ری زمی کافر نئینه
تک سواری ها میا ده القمه
پیکرش خینی دلش پر ده غمه
یه کیه داره میا سرش وه زینه
آه سرد ها ده دلش والله غمینه
در گرون هاشمی نقش زمینه
کر علی مرتضی ساقی دینه
عباس عباس خلطاو وه خینه
دو دسیاش وه ری زمی کافر نئینه
بسم الله الرحمن الرحیم
ماه بنی هاشم ویه خوینه خلطانه
وقتی شنفته گوش مولای بی یاور
ده ناله ی عباس او خاک خم پرور
وه داخ عباسم سرفصل داخانه
ماه بنی هاشم ویه خوینه خلطانه
او داخ دلگیری چی شاه مظلومان
سیر کرد برای شیری کفته و نیمه گیان
بی بال و بی برگه ها ویه بیابانه
ماه بنی هاشم ویه خوینه خلطانه
برا فدای بال جیای له بالات بام
فدای لش لت له، له کینه کُشیای بام
دِوای تو آیللم ویلان و شارانه
ماه بنی هاشم ویه خوینه خلطانه
دیمه و خرساهه بی مشک و بیه آوه
چه بکم و تنیایی وی گیژ و گرداوه
چو ایه لشه هیز دم ویه اگرستانه
ماه بنی هاشم ویه خوینه خلطانه
هر چو پر قرآن وی القمه کفتی
ساقی و لب تشنه وی خوین خوت خفتی
بال و لش بیداخت چو قاف قرآنه
ماه بنی هاشم ویه خوینه خلطانه
سر هیز ده عباسم دردت و هتنیائیم
داخ تو خارت کرد صور و شکیبائیم
شاهو له شون خم جا گرته ویرانه
ماه بنی هاشم ویه خوینه خلطانه
بسم الله الرحمن الرحیم
(شعر( مه حسینم) شاعر:علیرضا صیاد و با سبک مداح اهل بیت :کربلایی جعفر شیرزاد)
مه حسینم که دلی عاشق مدو دارم
و سر نزه مه هفتاد دو قراو دارم
مه شهید ابن شهیدم مردم
کومه عباس رشیدم مردم
کوفیو راه شما راه مسلمونی نی
بستیته آو و بچونم ینه مهمونی نی
مه شهید ابن شهیدم مردم
کومه عباس رشیدم مردم
شاه شهیدو د زمین بلا
ها میزنه داد سر نزیا
سرم اگر روه وا ای قافله
هیهات منه الذله
کرب و بلا رنگ موه وا خین مه
خین منه زنه میکه دین مه
حق طلبی مذهبو آیینمه
فدای دینم جون شیرینمه
شاه شهیدو د زمین بلا
ها میزنه داد سر نزیا
سرم اگر روه وا ای قافله
هیهات منه الذله
مه تشنه ی عشق و سرافرازیم
کُر علی عاشق جو بازیم
عشق خدا تش ونه د جونمه
عاشق ظهر روز سروازیم
شاه شهیدو د زمین بلا
ها میزنه داد سر نیزیا
بسم الله الرحمن الرحیم
کربلایی جعفر شیرزاد
چطور بورم و خیمه ای مشک پاره پاره
سکینه تشنه لوء د خیمه انتظاره
سرزمین کربلا آسمون نینوا
سی چی بیه و دشمن کر آل عبا
تشنه مننه بچو پوشیمه جومه عزا
زخمی که ها د دلم مردمو ناره دوا
بی کس و بی لشکرم
اشکسه فرق سرم ا فاتح خیبرم
دو دسم بیه جدا د دشت خین بلا
میهام د راه وفا دل بزنم و دریا
ای مشک آو بورم برسم و خیمیا
طفل صغیرم موه ساقی تو زیتر بیا
صد حیف و افسوس برار
تنیا منم دی دیار
میزنه تیر و خنجر ای دشمنو بی شمار
حشکی لویا اصغر دم بورده صبر و قرار
سکینه تشنه لوء موه کمی آو بیار
بسم الله الرحمن الرحیم
کربلائی رضا موسیوند
ایه در دریای کرم یا ابوالفضل
تشنه لون اهل حرم یا ابوالفضل
رتی و وا رتنت تاو و توو نارم برار
وری سیل کو که تونی قوت قلبم ایه برار
دشمنو قطع کردنه دو دسش ده پیکرش
کافرو تیر زنه و چش امیر لشکرش
ایه در دریای کرم یا ابوالفضل
تشنه لون اهل حرم یا ابوالفضل
یا حسین ابن علی خیر البشر پور علی
ها کجا باب الحوائج ماه قوم هاشمی
منَمه چش انتظار ساقی دشت بلا
تا بیاره مشک آوی سی همه تشنه لویا
ایه در دریای کرم یا ابوالفضل
تشنه لون اهل حرم یا ابوالفضل
سرودار و تکسوار و یل میدو دارمه
یه شیر دشمو شکار صحنه ی پیکارمه
عباس میدو دارمه رته و جنگ کوفیو
اشگسه شیشه عمر مه و شنگ کوفیو
ایه در دریای کرم یا ابوالفضل
تشنه لون اهل حرم یا ابوالفضل
رحم نکردید وه یتیمو تش زیتو ده خیمه یا
کشتیتو سبط پیامبر خامس آل عبا
داغ نیایتو دِه دل زینب ده زمین کربلا
لعن عالم وه شما با کوفیون بی حیا
ایه در دریای کرم یا ابوالفضل
تشنه لون اهل حرم یا ابوالفضل
بسم الله الرحمن الرحیم
(آقای رضا موسیوند)
یا زهرا کافرو زنه تش ده خیمیا
یا زهرا سر سالارم ها وه نیزیا
سردارون دین بینه سر جدا
ده راه خدا بینه جون فدا
سالارم پاره پاره تن ها وه ری زمی
میسوزم ده غم حجر آل هاشمی
یا زهرا کافرو زنه تش ده خیمیا
یا زهرا سر سالارم ها وه نیزیا
طفلو تشنه لو یارو سر وه نیه
ناله ده غم یارو تا وه کیه
دلگیرم میوه قلبم پاره پیکره
هیه رومه قتل اولاد پاک حیدره
یا زهرا کافرو زنه تش ده خیمیا
یا زهرا سر سالارم ها وه نیزیا
تنیا مَنِمه زار و دلگرو
طعنم میزنن قوم کافرو
مینالم داغ عاشورا سوخته جون مه
واوویلا مَنه بی یاور کاروون مه
یا زهرا کافرو زنه تش ده خیمیا
یا زهرا سر سالارم ها وه نیزیا
قلب شیعیو طوفان غمه
ده داغ حسی اشکم زمزمه
عاشورا روز گلچینه وا مصیبتا
ثارالله غرقه و خینه وا مصیبتا
یا زهرا کافرو زنه تش ده خیمیا
یا زهرا سر سالارم ها وه نیزیا
بسم الله الرحمن الرحیم
(آقای رضا موسیوند)
رو که دس حق نگهدارته
حضرت عباس خدا یارته
بیرق وه شون سبط طه منم
هم ساقی و زاده زهرا منم
عباس منم عباس برار حسی
جونم نیامه ده نثار حسی
رو که دس حق نگهدارته
حضرت عباس خدا یارته
دارم وه کف شمشیر دو پیکرم
مه شیر زرد ساقی کوثرم
بیعت نمیکم وا خدای ستم
کی دس میکشم مه ده اهل حرم
رو که دس حق نگهدارته
حضرت عباس خدا یارته
سرمه چشیامه خاک پای حسی
دس و سر و جونم فدای حسی
عشق من و عشق حسی سرمده
یه راه و رسم مکتب احمده
رو که دس حق نگهدارته
حضرت عباس خدا یارته
باب الحواج کر حبل المتین
ایه پهلوون شیعه وه ری زمین
عرش خدا وه زیر پاته برار
دُآ ام البنین وه پاته برار
رو که دس حق نگهدارته
حضرت عباس خدا یارته
رو وه سلامت یل کربلا
سخته خداحافظی وات باوفا
رو که دس حق نگهدارته
حضرت عباس خدا یارته
بسم الله الرحمن الرحیم
کربلا سوز عطش میواره
ده دلم داغ برار میکاره
اوه حسین نازنین
سرور و سالار دین
عاشورا وه یاد او
ده چشیام میواره خین
موه بمیرم سی برارونم
شو و روز قراُون سیشو میهونم
شو و روزم بی اَسر و دامون
ایه روله برار دردت وه جونم
کربلا سوز عطش میواره
ده دلم داغ برار میکاره
چن ساله وه یاد او
مرگ میکم آرزو
وه یاد عزیزنم
نشسم وا آبرو
هیه هنا میکم وه عزیزونم
بار کرده شادی ده حونه‌مونم
وقتی میری سرشو وه نیزه
اُر غم اما وه آسمونم
کربلا سوز عطش میواره
ده دلم داغ برار میکاره
شیشه عمر منه
نزنیت سنگ کینه
مردمون بی وفا
وه عزیز فاطمه
یه سر عزیز پیغمبره
یادگار فاتح خیبره
نکیتو شادی وه بالا سرش
وه خدا یه شافع محشره
کربلا سوز عطش میواره
ده دلم داغ برار میکاره
بسم الله الرحمن الرحیم
(آقای رضا موسیوند)
علمدارم علمدار سپاهم
سقای یتیمون بی پناهم
ریت بویت وه رباب دل بی قراره
عباس نتونس سی تو بیاره
بویت وه سکینه ده آه و ناله
بعد عباس لویاش دم ور میاره
علمدارم علمدار سپاهم
سقای یتیمون بی پناهم
زینب دس وه زونی چش انتظاره
برار چاو مرگ برار میاره
ریت بویت وه زینب دل بی قراره
بی براری سخته دی چاره ناره
علمدارم علمدار سپاهم
سقای یتیمون بی پناهم
حسینم برارم دردت وه جونم
الا دی مه سی دالکت مهمونم
عباسم برارم داغت منه کشت
درخت بی برای کیه میکه رشد
علمدارم علمدار سپاهم
سقای یتیمون بی پناهم
بعد اکبر تو دی دنیا سیرم
عشقمه سر بنیم ری پات بمیرم
وه خاک و خی کشین او آل حیدر
وه اسیری مورن دخت پیمبر
علمدارم علمدار سپاهم
سقای یتیمون بی پناهم
بسم الله الرحمن الرحیم
یه نم نم بارونه
یا اشک یتیمونه
بی کس لش حسینه
زیر سم اسبونه
میره وه سر نیزه
یه قاری قرآونه
یه نم نم بارونه
یا اشک یتیمونه
زینب میشینه تنیا
غمخوار اسیرونه
غم ها ده دلش بسیار
وه یاد برارونه
یه نم نم بارونه
یا اشک یتیمونه
رقیه موه بابا
دل تنگ و هراسونه
تش ها ده دل زینب
نوگلی پریشونه
یه نم نم بارونه
یا اشک یتیمونه
سُخته پر پروونه
ده کنج ایه ویرونه
یه زینب بی کسه
وا ناله حجرونه
یه نم نم بارونه
یا اشک یتیمونه
ده خین شهیدونه
کربلا گلسونه
خم بی کمر زینب
یه مظلوم دورونه
یه نم نم بارونه
یا اشک یتیمونه
بسم الله الرحمن الرحیم
( آقای رضا موسیوند)
میری میدو روله اکبر سفرت وه سلامت
دیار مه وا تو روله افتایه وا قیامت
چو باغبو شو و روز زحمت وه پات کشیمه
باغ مه تش گرتو روله خیر دت نئیمه
میری میدو روله اکبر دل مه وه تماته
میری میدو روله اکبر سفرت وه سلامت
دیار مه وا تو روله افتایه وا قیامت
هرده مونی والله سخته کسی کرش بمیره
خدا نکه کس دی دنیا داغ جوو بئینه
میری میدو روله اکبر سفرت وه سلامت
دیار مه وا تو روله افتایه وا قیامت
سیل کو وه حال زارم سی تو دل بی قرارم
چی بوم مه وه زینب رته صبر و قرارم
بال چشیات وا کو روله سیل کو وه حال زارم
میری میدو روله اکبر سفرت وه سلامت
دیار مه وا تو روله افتایه وا قیامت
قد و بالات ایه روله هیه منی چی رسوله
خین پاکت عزیزم خین پاک رسوله
وری سیل کو روله اکبر چی شمع دارم میسوزم
میری میدو روله اکبر سفرت وه سلامت
دیار مه وا تو روله افتایه وا قیامت
بسم الله الرحمن الرحیم
( نوحه قدیمی مربوط به زمان دفاع مقدس)
برار رزمنده خدا نگهدار
خدا حافظت شیر دشمه شکار
بسیج بینه همه ده پیر و جوو
احسنت وه ایه لشکر صاحب زمو
آفرین وه غیرت و ایمانتو
میدونه بکیت سی دشمه قورسو
برار رزمنده خدا نگهدار
خدا حافظت شیر دشمه شکار
ایه مرد میدو ایه برار شیرم
برار نجیب سر وه زیرم
کردیه همت روی وه میدو
بکی تقاص خین شهیدو
حماسه سازون همه جبه یا
برار رزمنده خدا نگهدار
خدا حافظت شیر دشمه شکار
ایه عاشقون شهید نینوا
بسم الله الرحمن الرحیم
شیر شیر کربلا
عباس یر کربلا
ماه منیر کربلا
ماه منیر کربلا
او قامت رعنای تو
بیه خار جش کافر
او مشک پر خین تو زه
تشی وه جون دخترو
کافر ده ترسش جو وه لو
میر عجب شاه عرب
او پاسبون کربلا
ایمروز سر لشگر تونی
کورپه دل خواهر تونی
سو دخت لو خنجر تونی
سقا بیا سقا بیا
ماه منیر کربلا
دخت دلیر کربلا
یا قره عین علی
********
بسم الله الرحمن الرحیم
زینب پریشو یا حسین
وا آه و افغو یا حسین
دنبال طلفو یا حسین
میگرده حیرو یا حسین
میره ده پاشو یا حسین
خار مغیلو یا حسین
تش زده خیمه یا حسین
دشمن قُرآو یا حسین
کاسه‌ی صبر زینب بیه لوا لو
زین العباد هم هیه ده بستر تو
صد آه و واویلا وه حال زینب
سوار محمل یا حسین
منزل وه منزل یا حسین
وا داغی مشکل یا حسین
چو سخته حاصل یا حسین
یزید سنگدل یا حسین
فوقش بوه گل یا حسین
بسته وه پاشو یا حسین
قل و سلاسل یا حسین
کاسه‌ی صبر زینب بیه لوا لو
زین العباد هم هیه ده بستر تو
صد آه و واویلا وه حال زینب
زینب نا چاره یا حسین
دیه یاری ناره یا حسین
اما دواره یا حسین
چش انتظاره یا حسین
لش براره یا حسین
منه ری دسش یا حسین
مشتی آواره یا حسین
کاسه‌ی صبر زینب بیه لوا لو
زین العباد هم هیه ده بستر تو
صد آه و واویلا وه حال زینب
علی حیدر کرار
خامنه ای نگهدار
ابوافضل علمدار
خامنه ای نگهدار
بسم الله الرحمن الرحیم
زینبم آگر وه جونم میزنن
دشمنو زخم زبونم میزنن
زینبم اشکیاته پاک کو
سی حسینت وری دعا کو
ظهر عاشورا تو ده میدو
رو لشم کپری وه پا کو
زینبم آگر وه جونم میزنن
دشمنو زخم زبونم میزنن
بار لویات کرده اسیرم
سی دل نازکت بمیرم
زینبم در دلته بو
جون زهرا دارم میرم
زینبم دنیا بی وفائه زینبم
کل دنیا سیم کربلائه زینبم
زینبم آگر وه جونم میزنن
دشمنو زخم زبونم میزنن
زینب بو ویردار بچونم
مادری بک سی دخترونم
کوفیو مورنت اسیری
نگریو جلو دشمنونم
کربلا درس امحونه زینبم
دنیا وا هیشکی نمیمونه زینبم
زینبم آگر وه جونم میزنن
دشمنو زخم زبونم میزنن
زینبم اکبرمو کشتن
عون و هم جعفرمو کشتن
هیچکسی نه مه نه وه جاشو
قاسم و اصغرمه کشت
زینبم آخرین ودامه زینبم
زینبم سرمه وی ری نیزیایا زینبم
زینبم آگر وه جونم میزنن
دشمنو زخم زبونم میزنن
مهر حق حرده وه جونم
تا آخر وه قولم میمونم
یا یزید یا دین محمد
یا دنیا یا بهشت سرمد
کربلا پر بلا بی زینبم
سرمه ده تشت طلا بی زینبم
زینبم آگر وه جونم میزنن
دشمنو زخم زبونم میزنن
بسم الله الرحمن الرحیم
غم حجرونت ایه برار ، کرده دل خینم
ایه زاهد شو شیر روز، حافظ دینم
ایه شیر غرقه وه خینم ، ده خاک سر وردار
علمته بیر وه دو دس ، دشمو بک تو خوار
جهاد ده راه دین کردی ، شهید حسین وار
غم حجرونت ایه برار ، کرده دل خینم
ایه زاهد شو شیر روز، حافظ دینم
ایه شیر شکار و ، مرد میدونم
بوه فدا او سنگر ، خینی دی جونم
تا تقاصته نسونم ، آروم نمیمونم
غم حجرونت ایه برار ، کرده دل خینم
ایه زاهد شو شیر روز، حافظ دینم
ایه گل دم و سهمه بهار ، پر پرت کردن
دالکته وا غم و غصت ، آشنا کردن
وا لباس رزمت برار ، کفنت کردن
غم حجرونت ایه برار ، کرده دل خینم
ایه زاهد شو شیر روز، حافظ دینم
ده خاک وریس برار، سیلکو وه حالم
دشمه خیال نکه بعدت ، مه کسی نارم
آرزوی زیارت ، کربلا دارم
غم حجرونت ایه برار ، کرده دل خینم
ایه زاهد شو شیر روز، حافظ دینم
خین سرختو شهیدو، ضامن قرو
شمع هدایت اسلام، پیر جمارو
ایه خدا داد مظلوم، ده ظالم بسو
غم حجرونت ایه برار ، کرده دل خینم
ایه زاهد شو شیر روز، حافظ دینم
بسم الله الرحمن الرحیم
میریزم زیر پات عطرگل یاس
وه سیقه دسیات حضرت عباس
کر ام البنین عطر گل یاس
ده میدو نیوما حضرت عباس
میریزم زیر پات عطرگل یاس
وه سیقه دسیات حضرت عباس
کر ام البنین برده قرارم
ده میدو نیوما یَکَه سوارم
چَش وِه رَشِم بیا تنیا برارم
هرنگ دل شیر سو سوارم
میریزم زیر پات عطرگل یاس
وه سیقه دسیات حضرت عباس
جهاد رَت ده ویرم سیش بی قرارم
ده سر هوشِم رته و ده دل قرارم
خدایا افتاو عمرش نشینه
ده باوم یادگاره یِه برارم
میریزم زیر پات عطرگل یاس
وه سیقه دسیات حضرت عباس
ایه هوار سردار رشید نیوما
یل تک سوار رزمم نیوما
خدایا صبر و قرارم ها کجا
اسدالله صفت عباس نیوما
میریزم زیر پات عطرگل یاس
وه سیقه دسیات حضرت عباس
عزیز مهربون دل ستینم
سر بنی ری شونم مرگت نئینم
بسم الله الرحمن الرحیم
کشتی تو کشتی نجاته شرمنده تو آو فراته
(آقای رضا موسیوند)
کشتی تو کشتی نجاته شرمنده تو آو فراته
بارون مصیبت ، میواره ده جونم
ایه برار شهیدم، سوختی تو سخونم
عباس سر دسم ، بی جو بدنته
رسوایی کوفه، خینه بدنته
کشتی تو کشتی نجاته شرمنده تو آو فراته
آئین رسوله ، شمشیر تو یاور
آز دو دسمی ایه، تو کر حیدر
عباس همه عالم ، دلخین عزاته
شرمنده لویا، حشکه تو فراته
کشتی تو کشتی نجاته شرمنده تو آو فراته
زخم بدن تو ، فواره خینه
خین تو نشون ، مظلومی دینه
عباس سفرت وا ، کشتی نجاته
چش وه رت ده خیمه ، رقیه و ربابه
کشتی تو کشتی نجاته شرمنده تو آو فراته
سوز دل زینب ، تا عرش برینه
وه ری دل زارش ، داغ نو سنگینه
سی آل محمد ، سردار دلیری
ایه نور دو چشم، حیفه تو بمیری
بسم الله الرحمن الرحیم
(وآ لو تشنه سر وه سر دار یه یادگار حیدر کرار)
رضا موسیوند
وآ لو تشنه سر وه سر دار یه یادگار حیدر کرار
سی قلب خسته آروم جونه
میره وه میدو یه پهلوونه
وقت میرسه وه خیمه
سایه سر مه نور دوعینه
وآ لو تشنه سر وه سر دار یه یادگار حیدر کرار
وه چش نازش تیری نشسه
موه یا اخا فرق اشگسه
ریتو بیارت لش برارم
قوت و قلب صبر ور قرارم
وآ لو تشنه سر وه سر دار یه یادگار حیدر کرار
یه روز جنگه نارم هنارس
پا بن ده رکاو منمه بی کس
سی فلب زینب آروم جونی
رعنا برارم تو پهلوونی
وآ لو تشنه سر وه سر دار یه یادگار حیدر کرار
مشگ درسه پش پر ده خین
دس بریه افتا وه زمین
ای شاه لشگر کو سوز سوارم
چشو چراغو گل بهارم
بسم الله الرحمن الرحیم
دختر شیر خدا وقت اسیری رسس ( آقای شیرزاد)
دختر شیر خدا وقت اسیری رسس
هم ده زمینوزمو باد مخالف دمس
وه چش دیه فاطمه، تیر منافق زنس
گیس خوار حسی ، وه دس ناکس کنس
ساز چمر بزه، کسی ده میدو نمن
سر وه ری پیکر، شاه شهیدو نمن
آونه بستنه، و ری علی اصغرم
تیر نشس وه حلقه ، او کُر خوش منظرم
خی بگریویت همه، سر برارم بُرین
شمشیر وه ری بچونم، بعد ابولفضل کشین
چش بلن کو ایه برار، سیل کو وه ایه بلیز
تش بوفته ده درینش ، هرکی تش ون ده ایه لیز
حسین شهید، حسین شهید
نه علم من نه علمدار ، نه ساقی ونه سردار
نه قاسم شیر پیکار ، نه اکبر کر دلدار
نه جعفر وه مه غمخوار ، نه هفتاد و دو سدار
نه عون مظهر دادار ، نه عباس سپه دار
نه هم یار وفادار ، نه یاور منه و نه یار
نه شیرون جگردار ، بغیر از کر بیمار
منو دشمن خینخوار ، غم اوه همه طفلو
بچونه بی کس و کار ، همه او همه سردار
میریم ها ری وه دربار ، وه تی پست شوقار
بویم علت ایه کار ، بویم علت ایه کار
کر حیدر کار سپرده وه مه هم ، پرچم و هم سنگر ایه دین خدانه
بسم الله الرحمن الرحیم
سی چی حوشکه لووت
مگر نرتی و فرات سی چی حوشکه لووت
د لوو نهر علقمه سی چی برده خووت
غم تو ون خاک عزا مینه هر دو شونم
و کی بوئم برارکم ایی درد گرونم
د کربلا بی کسی منه مر نییی
پشت و پناهم ابرار مین جنگ تو بییی
ایی خور د کربلا کی بوره مدینه
که دشمنون کافرت کشتنت د کینه
حیف تو که ام البنین و عزات بشینه
شو تاریک و داغ و سر داغ
پر خین دلم چی لاله باغ
یه گوشه دی دلم بی داغ نمنه
گل خوشبو سی چی دی باغ نمنه
بسم الله الرحمن الرحیم
نوریتو وه خیمه مشک پاره پاره
سکینه وا لو تشنه انتظاره
بویتو وه زینب نکه بیقراری
وه تی دشمنونم نکه آه و زاری
کوفیو وَنِنَه مشکنه ده شونم
نهیشتن وه خیمه آونه برسونم
جدا کردن دسیام تیر زنه ده چشم
نیلیت پایه مال ظالم بووه لشم
پیغام خوین مه پیغام حسینه
نیلیتو که دوشمه زاریتونه بینه
پیغام حسینه زنئی وا عزت
مرده بیتره ده زنئی وا ذلت
بسم الله الرحمن الرحیم
رتیه و بردیه ده دل تاب و توانم علی روله جوونم علی
داغ فراق تو زیه تشی وه جونم علی سرو روونم علی
رتی و وا رتنت باوتو دلگیر بیه
دالکت ایه نوجو، ده غم تو پیر بیه
ده دس دشمو اسیر، پیر و زمینگیر بیه
من ده دلم یه آرزو، تا که ده ایه وادی
وه پا بکم ده سرم هیه ، حجلگه شادی
وه دس و پات حنا بنیم، ده شو دامادی
ایه داد که یه دس وم نده، قهرمانم علی
ایه گل باغ حسی، اکبر نسرین و زار
چشیا زینب منه، بهر تو ده انتظار
تا کی بگریوم خدا، ده غم تو زارزار
بی تو میره ده آسمو، آه و فغانم علی
ایه باوه خیمه زیه، ابر بلا وه سر مه
زخمی بیه ده سم اسبون ستم پیکر مه
یه دمی بیا بالا سر مه
مپرس باوه چه زخمیه، که ها وه بدن مه
بسم الله الرحمن الرحیم
غنچه نشکفته وای اصغر بی شیر وای
سی دل خین پدر، داغ غمت مشکله
رو دس بابا وه تو، تیر زیه حرمله
پر گرتی و رتی، روله تو چی چلچله
اوج گرتی علی ، بیه ده مو دیر وای
کودک شیش ماه وای، نو گل دلدار وای
مایه‌ی آزایی ، ایه دل بیمار وای
شیر حر شیرین زوو ، یار وفادار وای
یار غمین رباب ، مضطر و دلگیر وای
سیر زیه افتاو خی، ده افق کربلا
خاک شهیدون عشق ، مشهد اهل ولا
ایچه بیه غرق خین، اکبر سیمین بدن
ایچه وه اصغر دنه، تیر وه جا شیر وای
اصغر مظلوم تا ، بیه هدف تیرشو
خینه گلوشه حسی ، پاشنه وه آسمو
که ایه خدا بک قبول، شهید شیرخوارمو
راضی بیمه هیه خدا ، وه حکم تقدیر وای
بسم الله الرحمن الرحیم
دانلود مداحی لری “ای هنارس بیا ساقی بی دست بیا”( آقای سبزعلی)
ای هنا رس بیا ساقی بی دس بیا (2)
وری ای میر علمدار ابوالفضل جـوو(2) لرزه بو دِ دل کفـار ابوالفضل جـوو
ای تن غرقه دخی توتن عباس منی (2) امید زینبی و نورچش راس منی
توکه تیغ دوسرشیر خدا ها ودست (2)ار بمیرم وخدا زنه موئم وا نفست
ای هنـا رس بیا ساقی بی دس بیا (2)
وری ای میر علمـدار ابوالفضل جـوو (2) لرزه بو ددل کفـار ابوالفضل جـوو
مرحبا شیرنر ه بیشه مردی وفا (2)دس و بازوی علمدار تو کی کرده جدا
تیغ برون منی قوت بازوی منی (2) دارشمشادی و شاخ گل خوش بوی منی
ای هنـا رس بیا ساقی بی دس بیا (2)
وری ای میر علمـدار ابوالفضل جـوو (2)لرزه بو ددل کفـار ابوالفضل جـوو
تو علمدار وفادار حسینی وخدا (2) رسسه موسوم دلگیر جدایـی وداع
ای هنـا رس بیا ساقی بی دس بیا (2)
وری ای میر علمـدار ابوالفضل جـوو(2) لرزه بو ددل کفـار ابوالفضل جـوو
توکه تیغ دوسرشیر خدا ها ودست(2) اره بمیرم وخدا زنه موم وا نفست 2
وری ای میر علمـدار ابوالفضل جـوو(2) لرزه بو ددل کفـار ابوالفضل جوو
ای هنـا رس بیا ساقی بی دس بیا (2)
بسم الله الرحمن الرحیم
سید سوزه سوار لشکرم
سید سوزه سوار لشکرم افتایه غرقه ده خین برآورم
عباس دلارم
وری عباس وری پا بی ده رکاو ده فرات مشکتو پر بکو ده او
حمله ور بین دشمو وه سرش سر و ری عباس منه بی رکاو
گُت برارم بی تو ایشگس کمرم ایه فلک خاک عزا کرد وه سرم
مشک بی آو بدن غرقه ده خی چطوری لشته بینه خووارم
شو بیار بی دور خیمه گاه ایمشو منّه خیمه بی پناه
دس و بازوی حیدرینه کو اهل بیت تشنه منن وه تمام
دریافت
حجم: 3.27 مگابایت
بسم الله الرحمن الرحیم
وری اکبر وری اکبر
وری روله که مه بی تو غمگسارم وری که مه بی تو خوشی نارم
وری تا رقیه نوینه غم تو وری تا سکینه نوینه لش تو
وری تا لیلا بی عصا نو وری تا زینب بی بلا بو
وری ایه روله دشمو شکارم وری ایه اذان‌گوی ایل و تبارم
جونیا بنی هاشم بیائیت لش علی تا در خیمه بیاریت
بو وه خوریات گو شواریا در بیارن الونه حرومیا سر ده خیمه در بیارن
بو معجریا سفت بوسیت بعد علی همتو بی کسیت
